《九龍城寨之圍城》- 在沙石飛揚中細味風的形狀

《九龍城寨之圍城》劇照

前幾日終於入場睇咗《九龍城寨之圍城》。

隔咗成個禮拜先寫感想，我諗最主要嘅原因都係成套劇俾我嘅感覺都係有少少雞肋。而熱潮都就嚟過，我都不諱言由沙石到欣賞嘅地方講吓我點睇套戲。

1. 無睇過《明日戰記》，但當入場睇完呢套後，我會有「古天樂製作嘅大卡士電影都有一種獨有嘅 format 」呢種諗法。
2. 雖然整體上特技都令人歎為觀止，但開頭果幾分鐘龍卷風(古天樂)登場果幕，佈景的確係好似舞台劇…… 個天就一塊黑幕，然後逐個 item 砌上去，一啲現場感都無。幸好隨住往後劇情視角有進一步融入城寨內圍，就開始無出現以上問題。
3. 打戲方面，頭一幕林峯拳拳到肉打爛仔交、又玻璃擦面咁周身傷，但下一個鏡頭洪金寶招攬佢就即刻青靚白淨無傷，確實有少少出戲。之後再睇信一（劉俊謙）登場，先醒起係喎，應該以返武打漫畫嚟看待，所…